Mala Êzidiyan a Herêma Cizîrê 2 zarokên êzidî yên ku şervanên HSD’ê di 10’ê adarê de ji çeteyên DAIŞ’ê rizgar kiribûn û li Kampa Holê diman, wergirtin. Tê payîn ku dê di demekî nêz de zarokên êzidî radestî malbatên wan ên li Şengalê bên kirin
Şervanên Hêzên Sûriyeya Demokratîk (HSD) di 10’ê adara îsal de zaroka bi navê Wetfa Newaf Xidir (10) a ji gundê Solax ê Şengalê û Ceyla Cofî Xwedêda (11) a ji gundê Til Ezîzê ji çeteyên DAIŞ’ê rizgar kirin.
Di serî de zarok li Kampa Holê hatin bicihkirin. Rêveberiya kampê hemû pêdiviyên zarokan bi cih anîn û îro jî her du zarok radestî Mala Êzidiyan a Herêma Cizîrê kirin. Mala Êzidiyan a Herêma Cizîrê jî piştî tedbîrên pêwîst, 2 zarokên êzidî ku ji çeteyên DAIŞ’ê hatine rizgarkirin, wergirtin.
Mala Êzidiyan a Herêma Cizîrê ji bo ku her du zarokan radestî malbatên wan ên li Şengalê bike, tedbîrên pêwîst girtin. HESEKÊ
