Bi çirûska destpêka ya şoreşa rojavayê Kurdistanê û belavbûna wê, xelkê Bakur û Rojhilatê Sûriyeyê bi hemû pêkhateyên xwe dikarin bi zimanê xwe ya dayîkê bixwînin û fêrî zimanên din bibin. Li kêleka wê zarokên pêşerojê yên Bakur û Rojhilatê Sûriyeyê di bin sîwana projeya Neweteya Demokratîk ya ku Rêberê Gelê Kurd Abdullah Ocalan pêşkeşî gel kiriye dikarîn bi azadî bifikirin û tevbigerin.
Ji ber vê yekê berhema vê şoreşê, zaroka 12 salî ya bi navê Diyana Rifayî îfade dike. Diyana ji gundê Qera Kuz ya girêdayî bajarê Ezazê ye, li dibistana Şehîd Çekdar ya li navçeya Fafînê ya Şehbayê dixwîne. Piştî rizgarkirina Şehbayê di 2016’an Diyama hem dikarî bi zimanê xwe ya dayîkê bixwîne hem jî dikarî zimanên cîran jî fêr bibe. Diyana di dibistanê de fêrî kurdî û ingilîzî dibe û li gorî wê bi piştgiriya ji dayîka wê ve helbestan bi zimanê erebî, kurdî, tirkî û ingilîzî dinivîsîne.
Bi boneya 4’ê Nîsanê rojbûna Rêberê Gelê Kurd Abdullah Ocalan Diyana helbesteke bi çar zimanan dinivîse û wê di şahiya 4’ê Nîsanê li Şehbayê pêşkeşî gel bike. Her wiha Diyana di wê hêviyê de ye ku bi wê helbestê karibe dengê xwe yê ji bo hezkirina Rêber Apo belav bike. Diyana hêvî dike ku di sala bê de tevî Rêber Apo 4’ê Nîsanê pîroz bike.
