Navenda Nûçeyan |
Li cîhanê hijmara pêketiyên Covîd-19’ê bûne 1 milyon û 939 hezar, heta niha 120 hezar û 800 mirov pê mirine.
Vîrûsa koronayê (Covîd-19) her ku diçe bêhtir belav dibe. Li gorî daneyên Rêxistina Tenduristiyê ya Cîhanê (WHO), heta niha li Ewropaye 81 hezar û 474 kes bi şewba koronayê mirine. Li parzemîna Ewropayê hejmara kesên ku pê ketine jî 973 hezar û 87 kes in.
Heta niha herî zêde li DYA’yê mirov ji ber Covîd-19’ê jiyana xwe ji dest dane. Li DYA’yê 23 hezar û 600 kes ji ber koronayê mirine. Li Îtalyayê jî kesên ku bi vîrûsê mirine bûn 20 hezar û 400 kes.
Dewleta tirk hijmara pêketî û miriyan vedişêre. Li gorî daneyên fermî yên dewleta tirk heta niha li bakurê Kurdistanê û Tirkiyeyê 61 hezar û 49 kes bi vîrûsê ketine û ji van hezar û 296 kes jî pê mirine.
Berdevka WHO’yê Dr. Margaret Harrrîs der barê mijarê de li Cenevreyê daxuyaniyek da çapemeniyê û ragihand ku li Îtalya û Spanyayê û hin welatên din ên Ewropayê berbelavbûna vîrûsê hinekî ketiye û li Tirkiye û Ingilistanê jî hejmara kesên bi şewbê dikevin zêde dibe.
Bîlançoya hin welatên din wiha ye:
* Li Îtalyayê 159 hezar û 500 kes bi vîrûsê ketine û ji van 20 hezar û 460 kes mirine.
* Li Spanyayê 172 hezar û 500 kes bi vîrûsê ketine û 18 hezar kes mirine.
* Li Fransayê heta niha 136 hezar û 700 kes bi şewbê ketine û nêzî 15 hezar kes mirine.
* Li Ingilistanê 88 hezar û 600 kes bi şewbê ketine û 11 hezar û 300 kes pê mirine.
* Li Almanyayê 130 hezar û 200 kes bi şewbê ketine û 3 hezar û 200 kes jî mirine.
* Li Hollandayê 27 hezar û 340 kes pê ketine û 2 hezar û 945 kes jî pê mirine.
* Li Belçîkayê 31 hezar û 100 kes bi şewbê ketine û 4 hezar û 150 kes jî mirine.
* Li Swîsreyê 25 hezar û 800 kes bi şewbê ketine û ji van 11 hezar jê mirine.
* Li Îranê heta niha 75 hezar kes bi şewbê ketine û ji van 4 hezar û 683 kes pê mirine.
