Parlamenterê HDP’ê yê Kocaeliyê Omer Faruk Gergerlîoglu, têkildarî ‘Înfaza tedbîrên ewlehî û ceza ya hejmar 5275’ daxwaza guhertina zagonê da meclisê û xwest ji bo girtî bên berdan zagon bê guhertin. Gergerlîoglu destnîşan kir ku heta dawiya sala 2020’an zêdeyî 800 zarok li gel dayikên xwe girtî ne û xwest zarok bên berdan û wiha got: “Zarokên temenê wan 0-6 salî di vê demê de ji aliyê derûnî û bedenî ve mezin û pêş dikevin. Lê dema zarok di vî temenî de li gel dayikên xwe girtî bin, pêş nakevin û paşve dikevin. Şert û mercên zarok li vir pêş bikivin tune ye. Zarok jiyana xwe li girtîgehê derbas dikin. Ji ber şertên girtîgehê zarok nexweş dikevin. Ji ber vê yekê dayikên zarokên temenê wan 18 û 72 mehî divê dewşa derûnî û civakî li ber çavan bê girtin û wan di daîreyên apart de bi cih bikin.” ENQERE
