Hemsereka PJAKî Zîlan Vejîne bi wesîleya rojbîyayîşê Rayberê Şarê Kurdî Abdullah Ocalanî û serrgêra 20ine ya ronîyayîşê PJAKî ANFyî rê qisey kerd.
Qiseykerdişê Zîlan Vejîne ra tay noqtayê girîngî wina yê:
”4ê nîsane hem rojbîyayîşê Rayber Apoyî hem zî serrgêra ronîyayîşê PJAKî yo. Rojbîyayîşê Rayber Apoyî heman wextî de rojbîyayîşê şarêkî yo. A roje têkoşînê şarêkî zî newe ra qewimîya. Bîyayîşê Rayberîye hîrê safhayan ra yeno pê; bîyayîşo yewin yanî bîyayîşo fîzîkî, bîyayo diyîn yanî ronîyayîşê PKKyî û bîyayîşo hîrêyîn yanî ronîyayîşê paradîgmaya Rayberîye.
Rayber Apoyî mîyanê şertanê tecrîdê Îmraliyî de paradîgmaya ekolojîke, demokratîke û azadîgîra cinîyan afernaye. Coka bîyayîşo hîrêyîn hende girîng o. Ganî ma Hemleya ‘Rayber Apoyî rê Azadîye, Meseleya Kurdan rê Çareserîye’ 4ê nîsane de ser bivisnê. Ganî her kes beşdarê na hemle bibo û seba azadîya Rayber Apoyî xîret bikero. Azadîya Rayberîye yena manaya azadîya ma.
PJAK zî bingeyê paradîgmaya ekolojîke, demokratîke û azadîgîra cinîyan a Rayber Apoyî de ronîya. 4ê nîsane de ma do serrgêra xo ya 20ine fîraz bikerê. PJAK serkêşîya embazanê ma yê şehîdan ê sey Akîf, Rêzan, Simko, Zîlan, Hêmin, Zagros û Şirîne de ronîya û ewro xeta azadîya cinîyan de, bi felsefeya ‘Jin, Jiyan, Azadî’ têkoşîn keno.
Ma do serra 21ine ya partîya xo de erk û mesuldarîyanê xo hîna bi xurtî bîyarê ca û azadîya Rayberîye bîyarê ca.
Rojhelatê Kurdîstanî û Îran de serewedaritişê şaran serkêşîya cinîyan de dewam keno. Sey şarê kurdî ma pê vawer ê ke têkoşînê xo bi yewî û paştdayîşî ser bivisnê. Sey PJAKî ma projeyê neteweya demokratîke yê Rayberîye pawenê. Ma do Rojhelatê Kurdîstanî de serkêşîya cinî û ciwanan de şorişî bîyarê ca.”
