Vera tecrîdê serê Rayberê PKKyî Abdullah Ocalanî û seba azadîya ci tepişteyê sîyasî 27ê Teşrîna Peyêne de zîndanan de dest bi grevê vêşanîye yê dore kerdî. Grevê vêşanîye yê tepişteyî sîyasî ke dest pêkerdibî ewro keweno roja 10ine. Hetêk de binpaykerdişê heqan ê zîndanan zî dewam keno. Tepişteyê Zîndanê Şakranî dayî dazanayîş ke awe yena birnayîş, qalorîferî nêkewenê ta û coka ra zî tepişte bi şewbe kewtî.
Goreyê malumatanê ke keyeyê tepişteyan dayî bi destpêkerdişê grevê vêşanîye reyde bi îdîayê qalorîferî xeripîyayê nînê tafînayîş û awe zî bi bahaneyê ‘kota pir pîya’ yena birnayîş. Sewbîna awa germ zî zaf kêm dîyena.
Keyeyan dîyar kerdî ke xeylê tepişteyî problemê bîyaye ra nêweş kewtî.
