Merkezê Xeberan]
Goreyê xeberanê ke ameyî girewtene Zîndanê bajarê Seqîzî yê Rojhelatê Kurdistanî de mabenê gardîyan û hepsîyan de pêkewtiş vejîya. Hedîse de hepsîyî berê zîndanê şikitî û remayî. Goreyê xeberanê medyaya Rojhelatê Kurdistanî seba ke zîndan de tu xebatêke seba weşîya hepsîyan nêameya kerdene û waştişê hepsîyan nêameyo qebulkerdene, mabenê gardîyan û hepsîyan de munaqeşe vejîya û dima ra ê pêkewtî. Netîceyê pêkewtişî de kesê ke cezaya daliqnayîşî înan rê ameybî birnayene zî tede nizdîyê 70 kesî zîndan ra fîrar kerdî. Ame dîyarkerdene ke hedîse ra dima hêzê asayîşî yê Îranê vilayê bîyî bajar û tedbîrê zêde ameyî girewtene.
