Parlementerê Partîya Demokratîke ya Şaran (HDP) yê Kocaelî Omer Faruk Gergerliogluyî da zanayene ke Zîndanê Sîncanî de testê Vîrusê Korona yê tepişteyê 70 serreyî pozîtîf vejîya.
Gergerliogluyî hesabê xo yê twitterî de derheqê babete de zanayîş da û vat: ”Heyf ke koguşê C9î yê Zîndanê Sîncanî de hemwelatîyo 70 serre de Korona esta. Mudirî zanayîş da wezaretî.”
Gergerliogluyî vilakerdişê xo de Wezaretê Edaletî zî etîket kerd û vat: ”Ma 2 hewteyan ra nata seba na babete xîret kenê la şima bi eşkerayîyan pey goş kenê. Paketa adîle, têdûşte ya hukmî ganî cade bêra akerdene.”
