Hepsîyê Zîndanê Hûmara 1. ya Asayîşo Berz yê Xarpêtî dayî zanayene ke ê nêeşkenê tu lazimîyanê xo pê bîyarî û her çiqas ke cezaya tay embazanê înan xelas biba zî yew serrî ra zêde yo ke heps de manenî
Zîndanê Xarpêtî de binpaykerdişê heqan bêmaben dewam keno. Hepsîyê Zîndanê Hûmara 1. ya Asayîşo Berz yê Xarpêtî qala binpaykerdişê heqanê ke bêmaden dewam kenî kerdî. Hepsî dayî zanayene ke badê grevê vêşanîye lazimîyê hepsîyan yê kantînî nînê caardene û çîyê kantînî vaye roşenî hepsîyan ro. Her çiqas ke teber de çîyî ercan bêrî rotene zî destûr nêdîyeno ke keye tewrê xo çîyan bîyarî zîndan.
Hepsîyan ardî ziwan ke badê grevê vêşanîye dermanê hepsîyan biserûber nînê dayene û rojnameger Mehmet Guleşî grevê vêşanîye ra dima 2 reyan wedarîyayo nêweşxane û vatî: “Her 2 reyan zî doktor ci rê vato ercê ganîya ci baş nîyî. Badê grevê vêşanîye tu programêk nêame kerdene. Tena grev ra dima 2 rojan şorbe dayî û dima ra werdê giranan dayî çalakgeran. Kismêk yê rojnameyan nêdanî. Rojnameyê Yenî Yaşamî qet nêdanî. Rojnameyê Evrenselî zî tena peynîya hewte danî. Her çiqas ke cezaya tay embazanê ma xelas biba zî yew serrî ra zêde yo ke heps de manenî.” AMED
