Derbarê êrişê de endamê deftera Siyasî ya Rêxistinên Kurdistanî yê Hizba Komunîst ya Îranê (Komeleya Komûnîst) Hesen Rehman Pena ji Rojnews re axivî.
Hesen Rehman got ku ji danê siharê ve çend balafirên bêmirov ên Îranê baregehên komeleya wan ên li Zirgiwê ya nêzî Silêmaniyê bombebaran dikin.
Hesen dibêje, heya niha jî êrîşa bi balafirên bêmirov dewam dike û navenda wargehê bi dijwarî tê bombebaran kirin.
Derbarê ziyanan de jî Hesen got; “Ji ber ku êrîş heta niha jî dewam dike, em nikarin derbarê ziyanan de agahiyek bidin.”
Berpirsek din ê di nava Komeleya Komûnîst de Seîd Emanî ye, Seîd jî ji Rojnews re axivî û got; “3 caran baregeha Komeleya Zehmetkêşan û çar caran jî baregeha Komeleya Şoreşgerî ya Zehmetkêşan hatiye bombebaran kirin.”
Li Koye jî bombebaran destpê kir
Gorî agahiyên hatine standin, balafirên bê mirov û bi çek yên Îranê baregehên hizba Demokratîk ya Kurdistan a Îranê ya li navçeya Koyeyê jî bombebaran dike. Tê gotin li her du herêman êrîşa ser baregehên hizbên rojhilatê Kurdistanê dewam dike.
