Herêm Mehmûd ê ku li navçeya Kelar a Germiyanê 92 roj in li dijî tecrîda li ser Rêberê Gelê Kurd Abdullah Ocalan di greva birçîbûnê de ye wiha got; “Her ku diçe çalakiyên greva birçîbûnê û piştgiriya ji bo çalakiyan berfireh dibe, ev nîşaneya serkeftinê ye û bi destxistina armanca ne. “
Herêm Mehmûd ê ku li navçeya Kelar a Germiyanê 92 roj in li dijî tecrîda li ser Rêberê Gelê Kurd Abdullah Ocalan di greva birçîbûnê de ye, têkildarî berfirehbûn û xwedî liderketina çalakiyan ji Rojnewsê re axivî.
Herêm Mehmûd eşkere kir ku her ku diçe çalakiyên greva birçîbûnê berfireh dibin û wiha got: “Cihê kêfxweşiyê ye çalakiyên me li cîhanê belav bûne û li welatên din ên cîhanê beşdarî çalakiyan dibin. Ev nîşaneya serkeftin û bi destxistina armancan e.”
Li gel Herêm Mehmûd li girtîgehên Tirkiyeyê de, li Kurdistanê û derveyî welat bi hezaran kes li dijî tecrîda girankirî ya li ser Rêberê Gelê Kurd Abdullah Ocalan di grevên birçîbûnê de ne. Çalakger aşkere dikin ku heta ku tecrîda li ser Ocalan bi dawî nebe wê çalakiya xwe berdewam bikin. GERMIYAN
