Welatiyên Raperîn bi awayê qefesên hilawîstî di nava ava Bendava Dukanê de masiyan xwedî dikin. Tama van masiyan ji yên di hewizan de tên xwedîkirin cudatir û xweştir e. Sedema wê jî ewe ku masî di bendavê de dikevin nav avek xwezayî de.
Araz Resul projeya hewza qefes di nava ava Bendava Dukanê de daniye û di nava her çar demsalên salê de masiyan têde xwedî dike. Salene dikare 150 hezar masî bibe bazarê.
Araz Resul diyar kir ku li Herêma Kurdistanê projeya wan a bi awayê qefes xwedîkirina masiyan, projeya herî mezine û ev 5 salin têde masiyan xwedî dikin.
Proje ji 24 qefesan pêk tê û di her qefesê de cihê 5 hezar masî bi cîh dibe. Li gorî projeyê dikarin di salekê de 150 hezar masî bêxin bazarê.
Araz Resul got: “Xwedîkirina masiyan 6 mehe, lê me bi sîstemekê parvekiriye ku bikarîn tevahiya salê berhemê me hebe û bêxin bazarê. Ev proje projeyên herî xweşik ên xwedîkirina masiyane.”
Herwiha hinek kes jî masiyan di hewizên ji axê û betonê hatîn çêkirin xwedî dikin. Araz got: “Dema xwedîkirina masiyên me ji yên din cudatir e. Ji derveyî alif pêwîst nake, em tu xwarinek din bidinê, lê yên di hewizan de newihane.”
Sebah Osman ê çavdêriya projeyê dike jî got: “Li Herêma Kurdistanê xwedîkirina masiyan, pêşketiye. Eger hikûmet alîkariya me bike, emê bikarin ji sedê sed pêwîstiya welatiyan bi masiyan pêşwazî bikin û pêwîstiya me bi hawirdekirina masiyan nemîne.”
